ME félag Íslands bauð félögum, sjúklingum, aðstandendum og öðrum áhugasömum á fyrirlestur Dr. James Baraniuk í Tjarnarsalnum, í húsi Íslenskrar erfðagreiningar.
Horfa á upptöku af fyrirlestri Dr. James Baraniuk á Facebook
Um Dr. James Baraniuk
James Baraniuk er dósent við læknadeild Georgetown háskóla og forstöðumaður rannsóknarstöðvar fyrir langvarandi verki og þreytu sem staðsett er í Georgetown háskólalækningamiðstöðinni í Washington. Hann hefur tekið þátt í fjöldamörgum rannsóknum á ME sjúkdómnum og skrifað greinar í virt læknatímarit.
Dr. Baraniuk kom til landsins til að taka þátt í málþingi um ME á læknadögum í Hörpunni í janúar 2020. RÚV fjallaði um það í kvöldfréttatíma sjónvarpsins og ræddi við hann. Einnig birtist viðtal við Baraniuk og Svein Benediktssonn í Morgunblaðinu í tengslum við læknadagana.
Lesa viðtal við Dr. Baranuik í Morgunblaðinu (pdf)
Hann er einn þeirra lækna sem gagnrýnt hafa PACE rannsóknina sem birt var á sínum tíma í Lancet. Baraniuk, ásamt fjölda annarra virtra sérfæðinga, skrifaði undir tvö bréf til Lancet þar sem þess var krafist að PACE rannsóknin yrði gerð ómerk vegna þess hve illa hún var unnin.
