Friðbjörn Sigurðsson, læknir á Akureyrarklíníkinni, tók þátt í pallborði á ráðstefnunni Invest in ME 2025 þar sem hann ræddi reynslu sína af því að sinna fólki með ME. Þar lýsir hann alvarleika sjúkdómsins og því hversu veikur hópurinn er, samanborið við önnur langvinn veikindi. Friðbjörn segir að hann hafi á aðeins rúmu ári fengið yfir 420 mjög veika einstaklinga í meðferð á nýrri ME-klíník á Akureyri.
„Það sem ég hef lært er að flestir sjúklingarnir sem ég hef séð með ME eru svo mikið veikari en krabbameinssjúklingarnir mínir.“
Umræðuefni pallborðsins.
Á pallborðinu ræða læknar og sérfræðingar mikilvægi þess að viðurkenna hversu alvarleg ME er og hve breitt einkenna-svið sjúkdómsins getur verið. Þeir leggja áherslu á að þrátt fyrir mikla skerðingu á færni einstaklinga með ME yfirleitt sýna jákvæðni og svara spurningum um getu sína af bjartsýni, sem stundum getur leitt til vanmats á veikindunum.
Einnig koma fram dæmi um bata og framfarir hjá mjög veikum einstaklingum með ME, og rætt er um mikilvægi vonar, stuðnings og markvissrar meðferðar. Sérfræðingarnir fjalla jafnframt um brýna þörf fyrir betri greiningarleiðir, aukna fræðslu til heilsugæslu og að efla fagteymi – þar á meðal sálfræðinga, næringarfræðinga og sjúkraþjálfara – svo þeir sem lifa með ME fái viðeigandi þjónustu.
Umræðan undirstrikar mikilvægi þess að halda áfram að byggja upp þjónustu og rannsóknir fyrir fólk með ME .
