„Það er mikill stuðningur í að hitta fólk sem skilur stöðuna“
Harpa Gunnlaugsdóttir, Ólöf Guðbjörnsdóttir og Sigurður Arnarson eru meðal þeirra sem hafa glímt við erfið eftirköst eftir Covid-19 frá árinu 2022. Þau hittast reglulega ásamt öðrum í svipaðri stöðu til að deila reynslu og styðja hvert annað. Slíkur stuðningur getur skipt sköpum þegar langvarandi veikindi hafa mikil áhrif á daglegt líf og líðan.
Í viðtalinu segja þau frá áhrifum langvarandi veikinda á daglegt líf og hversu dýrmætt það er að finna skilning og samfélag hjá fólki sem þekkir þessa reynslu af eigin raun.
