Dr. Jonas Bergquist með fyrirlestur hjá ME félaginu.

Einn af fremstu vísindamönnum heims í ME rannsóknum Dr. Jonas Bergquist, verður gestur ME félagsins og heldur fyrirlestur fyrir félagsmenn okkar, fimmtudaginn 19. janúar klukkan 16:30 Fyrirlesturinn verður í sal í Reykjavík sem er aðgengilegur fyrir fatlað fólk. Þeir félagsmenn sem hafa áhuga á að mæta er bent á að láta vita í tölvupóstfangið mefelag@gmail.com og fá þá sendar nánari upplýsingar. Dr. Jonas Bergquist verður einnig með erindi á málþingi um langvarandi eftirstöðva sýkinga, á læknadögum sem haldnir verða dagana 16. - 20. janúar 2023 í Hörpu.

Dr. Bergquist er prófessor í efnafræðideild háskólans í Uppsölum í Svíþjóð auk þess að gegna stöðu gestaprófessors bæði í læknaháskólanum í Utah í USA og í Binzhou læknaháskólanum í Yantai í Kína.

Rannsóknahópur hans vinnur að því að finna leiðir til að greina og finna lífmerki hinna ýmsu sjúkdóma, þar á meðal taugahrörnunarsjúkdóma.

Rannsóknir Dr. Bergquist á ME beinast að því að rannsaka þátt ónæmis- og taugakerfisins í sjúkdómnum með sérstakri áherslu á heila- og mænuvökva.

Í háskólanum í Uppsölum stýrir hann rannsóknasetri sem vinnur að því að greina lífmerki (biomarkers) fyrir ME sem gætu auðveldað greiningu og meðerð á sjúkdómnum. Þessar rannsóknir eru hluti af samstarfsverkefni innan Open Medicine Foundation.

Dr. Bergquist er afkastamikill rannsakandi og hefur skrifað fjölmargar greinar. Hér er listi yfir það sem birst hefur eftir hann um ME/CFS.