Nýtt merki félagsins

ME félag Íslands hefur fengið nýtt merki teiknað af Stefaníu Þorsteinsdóttur sem situr einmitt í stjórn félagsins um þessar mundir.

Þessi fagri fugl er í bláum einkennislit ME á alþjóðavísu. Hann er táknmynd fyrir sjúklinginn og þá staðreynd að sjúkdómurinn sést sjaldnast utan á honum. Hringirnir sýna þau fjölmörgu einkenni sem halda sjúklingnum niðri og íþyngja honum þegar hann hvað eftir annað reynir að taka flugið og halda lífi sínu áfram. Þrátt fyrir það gefst hann ekki upp, hann heldur höfði sínu hátt og býr sig enn einu sinni til flugs.