USA

Health Rising er mjög góður fréttavefur um ME. Cort Johnson sem rekur hann stofnaði líka Phoenix Rising á sínum tíma. Á Health Rising er flest sem viðkemur ME tekið fyrir; vel fylgst með rannsóknum og talað við þá sem eru með fingurinn á púlsinum.

USA

Phoenix Rising er orðinn margra ára gamall ME fréttavefur og þar hefur safnast upp mikið efni og upplýsingar.

USA

International Association for Chronic Fatigue Syndrome
and Myalgic Encephalomyelitis.
Þetta eru þverfagleg samtök vísindafólks, heilbrigðisstarfsmanna og kennara í heilbrigðisgeiranum. Markmið þeirra er að rannsaka ME auk þess að veita sjúklingum hjálp og meðferð.

Samtökin halda ráðstefnu annað hvert ár, oftast í Bandaríkjunum en nýlega einnig í Kanada og Noregi. Þær gegna stóru hlutverki í þekkingarmiðlun innan ME geirans og eru vel sóttar af fagfólki, vísindafólki og sjúklingahópum. 

USA

Blogg sem Jenny Spetila heldur úti. Hún hefur lengi barist fyrir réttindum CFS/ME sjúklinga, ekki síst auknu fjármagni til rannsókna. Var í stjórn The CFIDS Association of America. Mikil þekking og reynsla á þessari síðu.

USA

Simmaron Research er rannsóknasetur sem hefur það að markmiði að komast fyrir ME og skylda taugafræðilega sjúkdóma.

USA

Solve ME/CFS Initiative var stofnað árið 1987. Þetta er rannsóknastofnun sem vinnur að því að auka skilning á ME/CFS og finna meðferð eða lækningu.

Rannsókna- og þekkingarsetur við Stanford háskóla. Hópur sérfræðinga sem vilja finna orsök og meðferð við ME. Rannsaka sjúkdóma þar sem sýkingar eða ónæmisviðbrögð koma við sögu.

USA

Rannsóknasetur sem hefur það að markmiði að finna orsakir og meðfeð við ME. Stofnað af foreldrum ME sjúklings. Tengist University of Nevada, Reno. Árið 2009 töldu þau sig hafa fundið vírusinn sem veldur ME en það reyndist svo ekki rétt. Rannsóknir halda áfram.

Rannsóknasjóður stofnaður 1997 svo þarna hefur safnast saman töluvert efni um ME. Markmið sjóðsins er að finna orsök, meðferðir og endanlega lækningu við ME. Veita sjúklingum upplýsingar, fræðslu og stuðning.

Centers for disease control and prevention

Þessi stofnun er óumdeilanlega ákveðið yfirvald í heilsufarsmálum í USA og afstaða hennar skiptir miklu máli. CDC reyndist ME ekki vel lengi framan af. Nú virðist vera að verða breyting þar á og sjúklingasamtök gleðjast yfir sinnaskiptunum.

Stofnuð 1988 af dr. Byron Hyde. Hann hefur ferðast um allan heim til að rannsaka ME m.a. til Íslands. Samtökin settu saman sína eigin skilgreiningu á ME; The Nightingale Definition of Myalgic Encephalomyelitis og má nálgast hana á pdf formi á heimasíðu þeirra.