Hvatningarstöð - Reykjavíkurmaraþon

Reykjavíkurmaraþon

Hvatningarstöð - Dagskrá - Rástímar hlaupara

Kæri félagi, við gleðjumst yfir öllum sem koma að hvetja hlauparana. Fyrir þau sem ekki komast er líka hægt að senda hlý orð á samfélagsmiðlum, deila maraþonsíðu hlaupara eða sýna stuðning með áheiti.

Verum dugleg að taka myndir og stutt vídéo á hlaupadeginum, senda félaginu jafnóðum í Facebook skilaboðum eða merkja @mefelagislands í Sögu/Story á Instagram og við munum deila á samfélagsmiðlum, svo þau sem komast ekki geti fylgst með.

Hvatningarstöð verður opin 8:00 – 10:00

Hvatningarstöð félagsins verður við hringtorgið á Sóleyjargötu. Myndin gefur hugmynd um sjónarhorn hlaupara.

Flöggin verða tvö og eru 2,40 metrar á hæð, hlauparar ættu því auðveldlega að geta séð efsta hlutann með fuglinum í mannmergðinni.

Gott verður í boði Nóa Síríus.

Staðsetning á korti

Mælt er með að þau sem eiga erfitt með að standa komi með koll eða útilegustól með sér en ef einhver gleymir sér, þá verða fjögur sæti á staðnum.

Hlaupaleiðir - Á korti má sjá allar og einstaka hlaupaleiðir.

Skoða kort

Skiltakeppni -Við tökum að sjálfsögðu þátt með þessu fallega þakkar skilti. Verðlaun verða veitt að hlaupi loknu. Keppnin nær til allra hlaupaleiða!

ME félags bolir - Síðustu bolir voru settir í póst hjá Íslandspósti fimmtudaginn 14. ágúst, það ættu því öll að vera búin að fá bolina sína tímanlega fyrir hlaup.

Dagskrá fyrir hvatningarfólk

08:00 – Hvatningarstöð opnar

08:30 – 10:00 Hlauparar hlaupa framhjá hvatningarstöð

10:00 – Hvatningarstöð lokar

10:00 – 12:00 Flytja sig að endamarki, sem er fyrir neðan Menntaskólann í Reykjavík og taka vel á móti hlaupurunum okkar. Athugið að það er mikið fjör bæði fyrir framan og aftan endamarkið.

12:00 – 12:15 Fylgjast með hlaupurum í skemmtiskokki leggja af stað frá Sóleyjargötu og hlaupa yfir brúnna yfir tjörninni.