12. maí 2025 - ME vitundarvakning
Félagið mun standa fyrir ME vitundarvakninu á þessu ári eins og fyrri ár.
15. mars 2025 - Long Covid vitundarvakning
Í ár tók félagið þátt í vitundarvakningu á Long Covid. Hún hófst 15. mars á alþjóðlegum degi Long Covid og stóð út mars mánuð.
Börn með Long Covid - Long Covid Kids Rocks. Steinar voru málaðir og þeim dreift víða um land.
Fréttatilkynning - Myndir af steinum
Viðtal á RÚV
Lífið með langvinn eftirköst covid: „Þetta er rosalega mikil spennitreyja“
Sjá viðtal við Atla Þór Kristinsson hér fyrir neðan.
Leiðarlýsing
Myndskilaboðum var dreift daglega á samfélagsmiðlum, þar sem athygli var vakin á því að fjöldi fólks sé enn veikt eftir Covid-19 faraldurinn. Bent var á leiðarlýsingu að betra lífi fyrir sjúklinga.
Skilningur - Rannsóknir - Fræðsla - Stuðningur - Meðferðir
.jpg)
.png)
Íslensk fræðslumynd um ME sjúkdóminn
ME sjúkdómurinn: Örmögnun úti á jaðri er heitið á nýrri fræðslumynd ME félagsins. Nafnið vísar í að ME sjúklingar eru jaðarsettir í heilbrigðiskerfinu og í öllu þjóðfélaginu.
ME er skammstöfun á heiti alvarlegs sjúkdóms sem hefur verið hálfgerð hornreka í læknisfræðinni. Miðað við tíðni sjúkdómsins í nágrannalöndunum gætu um tvö þúsund manns verið með ME á Íslandi en í skráningu hjá Landlæknisembættinu skipta þeir aðeins nokkrum tugum. Í nýrri íslenskri heimildarmynd er skyggnst inn í líf ME-sjúklinga og fjallað um tengsl sjúkdómsins við COVID-19. Dagskrárgerð: Páll Kristinn Pálsson.
Lífið með ME er fræðslumyndband sem kom út í maí 2021. Myndbandið fjallar um áskoranir og fordóma sem að fólk með ME mætir. Félagsmálaráðuneytið styrkti gerð myndbandsins, einnig komu sjálfboðaliðar að vinnu við gerð þess.
í þessu myndbandi sem kom út árið 2017, segja nokkrir
einstaklingar með ME fá því hvaða áhrif sjúkdómurinn hefur á líf þeirra.
NICE leiðbeiningarnar á íslensku um greiningu og meðhöndlun á ME sjúkdómnum.
ME félag Íslands fékk leyfi frá NICE National Institute for health and care - til þess að þýða NICE leiðbeiningarnar um greiningu og meðferð á ME sjúkdómnum. Þýðingin var unnin af SKJAL ehf. og var þýðingin samþykkt af NICE. Leiðbeiningarnar eru hér á heimsíðu ME félagsins. Einnig eru leiðbeiningar Mayo Clinic á íslensku á heimasíðunni.
Fyrirlestur Jonas Bergquist MD/PhD
Dr. Jonas Bergquist prófessor í efnafræðideild háskólans í Uppsölum, Svíþjóð heimsótti íslendinga nýlega í tengslum við læknadaga í Hörpu. Hann flutti einnig fyrirlestur sem gestur ME félagsins á Hilton hótelinu Suðurlandsbraut 19. janúar. Fyrirlesturinn var ákaflega fróðlegur og skemmtilegur og þýddi Kristín Sigurðardóttir læknir fyrirlesturinn af stakri prýði jafnóðum.
Stuðningur í erfiðleikum
Það er oft erfitt að vera með langvinnan sjúkdóm og stundum þurfum við stuðning og einhvern til að tala við ef okkur líður illa. Heilsugæslan veitir stuðning í gegnum Heilsuveru. Netspjall er opið frá 8-22 alla daga. Þar eru gefnar almennar ráðleggingar og leiðbeint um heilbrigðiskerfið. Hjúkrunarfræðingur er til staðar ef með þarf.
Símaráðgjöf hjúkrunarfræðinga heilsugæslunnar er opin frá 8 til 22 alla daga Sími er 5131700
Rauði Krossinn er með hjálparsímann 1717 og netspjall og er öllum velkomið að nýta sér þjónustu þeirra.
Dæmi um erindi sem koma inn til Hjálparsímans: Einmanaleiki, þunglyndi, kvíði, sjálfsvígshugsanir og sjálfskaði
Átraskanir, geðraskanir, sorg og áföll. Fjármál, námsörðugleikar, húsnæðisvandamál og atvinnuleysi
Rifrildi og samskipti, ástarmál, fordómar. Barnaverndarmál. Kynferðislegt, andlegt og líkamlegt ofbeldi og einelti
Heilbrigðisvandamál, neysla, fíknivandi. Kynferðismál, kynlíf, getnaðarvarnir, kynsjúkdómar
Þessi listi er á engan hátt tæmandi og hægt er að hafa samband vegna alls þess sem þér liggur á hjarta og fá sálfélagslegan stuðning, ráðgjöf, hlustun og upplýsingar um þau úrræði sem í boði eru í íslensku samfélagi.
MYNDBÖND
fyrirlestrar á fræðslufundum
Félagið hefur haldið fræðslufundi fyrir félaga og aðra áhugasama. Hér má sjá upptökur af áhugaverðum fyrirlestrum frá þeim fundum.
Fræðsluefni til fagfólks
Í maí 2018 sendi félagið "fræðslupakka" til ýmissa fulltrúa í heilbrigðiskerfinu, heilsugæslustöðvum, meðferðastöðvum og fleiri völdum aðilum sem koma að heilsugæslu og -eflingu. Í pakkanum var bæklingur félagsins, DVD diskur með nýjum fyrirlestrum ME sérfræðinga og greinagott bréf með ýmsum upplýsingum og beiðni um að þessu fræðsluefni væri komið á framfæri á réttum stöðum.
Alþjóðastarf ME félags Íslands
Frá árinu 2014 hafa fulltrúar ME félags Íslands farið á árlega ráðstefnu
Invest in ME í London. Það hefur reynst ómetanlegt að vera í beinu sambandi við það sem helst er að gerast í rannsóknum á ME og njóta reynslu annarra sem þarna koma. Félaginu mætti strax mikil velvild og fulltrúar okkar komust í samband við erlend sjúklingafélög, lækna og aðra sem vinna að málefnum tengdum ME.
EMEA
Í þessari fyrstu ferð 2014 til London fékk ME félag Íslands inngöngu í Evrópusamtök ME félaga, Europian ME Association (EMEA). Aðalfundir samtakananna eru einmitt haldnir í kringum ráðstefnuna ár hvert.
Þarna var líka lagður grunnur að Norðurlandasamtökum ME félaga og voru þau svo stofnuð í október sama ár. Samtökin halda reglulega fundi á netinu.
ÖBÍ réttindasamtök
ME félagið er eitt af aðildarfélögum ÖBÍ réttindasamtaka og því geta félagsmenn ME félagsins leitað til ÖBÍ til að fá aðstoð og ráðgjöf með málefni sem tengjast stöðu þeirra sem fatlaðir/langveikir einstaklingar, eins og t.d. lögfræðiaðstoð og félagsráðgjöf, einnig geta ME félagsmenn tekið þátt í starfi ÖBÍ í gegnum ME félagið.
